|
《美女廚房》叫好叫座，無線遂『食住條水』秘密製作另一輯新節目《江山美人》，於台慶月推出，由林保怡、王喜擔任主持，現正在中國各省市拍外景，邀請高質素之美女大學生比併廚藝，實行以靚人靚景加美食做噱頭。
保怡與王喜已先後到北京、大連拍外景，除拍攝美女大學生廚藝比併外，當地之名勝及著名美食亦一同入鏡，如北京填鴨及大連之海膽、鮑魚，上海則拍攝美食小籠包，之後會再到蘇州及西安取材。
北方佳麗『索』
今日保怡與王喜在上海豫園內一間著名之小籠包店中取景，兩人在當地都甚具知名度，所到之處都有影迷包圍索簽名，保怡對上海之小籠包讚不絕口，亦大讚所見靚女質素佳呢！但提到日前在上海跟陳豪、黎姿與鄧萃雯等出席手錶展時，因為遲大到被內地傳媒大罵一事，保怡感到很委屈，更自揭『食死貓』真相，坦言當日活動遲開始，與四人無關，他們一早已到場，只為等隻名錶。
硬『食死貓』
不過最搞笑是手錶姍姍來遲，各人手戴近百萬名錶出場，當活動完結後，竟然沒有人問他們取回手錶，令他們不知如何是好，保怡說：「最後由我做主動叫人攞番手錶咋！公關公司處理咁失敗，又令我哋『食死貓』，希望下次佢哋有所改進啦。」今年保怡工作量不多，他坦言嚴選工作，以免重量不重質，會被人誤以為他做得不好，所以對自己有要求才有進步，他笑說：「我又唔係靚仔，當然要靠實力。」
| 
