TVB藝人林保怡、陳豪、蔡少芬（Ada）、佘詩曼（阿佘）和黎姿（Gigi）、黃德斌等，于5月21日下午拉隊到奧海城出席〈閻宋兩族爭霸起風雲〉活動，爲熱播重頭劇集《火舞黃沙》宣傳造勢，吸引數百名市民到場圍觀，且各演員也有影迷舉牌支持，場面『墟冚』！三位女主角蔡少芬、佘詩曼與黎姿不約而同以吊帶裙背心上陣。繼早前鬥唱歌、鬥性感、鬥行頭後，當日仍以『鬥鞋踭高』搶鏡，最終阿佘所穿的四吋高跟鞋險勝Gigi與Ada的『三吋釘』！期間，在劇中代表兩族的林保怡、陳豪、蔡少芬、佘詩曼等分成兩組對賽，大玩『攀斜台』及『扯大纜』等遊戲，在台上激鬥一番。雖然三位女主角均以性感打扮示人，但仍奮身玩遊戲，身穿吊帶裙的Ada在扯大攬時更出盡力氣，春光乍洩亦不知。其中一環節眾人為林保怡與陳豪黐疤痕，兩個大男人裝上假的胸肌『任黐唔嬲』，保怡更被黎姿貼得滿臉疤痕，雙眼都睜不開。之後司儀笑問保怡為何他的大腿對上重要部位亦被貼疤痕？保怡表示不知是誰做的好事，黎姿立即擺手搖頭否認說：「唔係我呀。」活動中眾演員亦向現場觀衆大派劇集紀念品，而林保怡更現場獻唱《火舞黃沙》的主題曲《風沙》。

林保怡勇救黎姿

原定當日Gigi因為拍劇未能出席活動，但因天雨取消外景的關係，所以趕到撐場，但落力打扮的造型明顯與活動中的遊戲格格不入。玩遊戲時Gigi爬上斜台後，因高跟鞋鬆怕跌倒甚為驚慌，卻又不敢走回平地而大叫：「救命呀，我落唔返嚟！」結果林保怡聞言唯有來一場英雄救美，一手抱起對方落台，即時成為全場焦點，反觀同是爬上斜台的阿佘，則沒有劇中小生照顧，只得蔡少芬輕輕扶她一把。及後Gigi于『扯大纜』遊戲中在大纜前只能作狀拍照，並未有身體力行參與遊戲。

事後記者問Gigi可覺穿高跟鞋玩遊戲危險﹖黎姿說：「唔會，係女人都貪靚啦！扯大纜靠班男士得啦，我嗌救命，我知保怡一定會嚟救我，以前我哋做訪問，有乜難題佢都會幫我解決，（保怡都對你幾好喎！）係呀！佢真係幾細心體貼。」提到林保怡英雄救美之擧，Gigi即激讚保怡夠細心、懂得照顧人、有男人味，是個好男人，而且在戲裏戲外都對她很好，也是理想的男友類型。她自言不喜歡油頭粉面的男仔，最喜歡像保怡這種成熟，有味道的男子漢：「我鍾意男仔有肉地，太瘦冇安全感，唔使太肌肉型，最好有小小肚腩可以挨下舒服啲，保怡都值80幾分嘎。」問到Gigi既然保怡這樣好，何不與對方發展？她說︰「保怡都諗得過，最衰佢係藝圈中人，如果唔係我都會考慮。」

至於身旁的保怡得悉Gigi大讚他是理想對象，只欠不是圈外人時即搭嘴說：「冇用！佢自己都有……」追問保怡是否Gigi已有圈外男友時，他即笑說：「係有胃抽筋！佢成日都胃抽筋！（GiGi話搵圈內人唔好！）我都覺同圈內人拍拖唔係太好，好似陳豪咁咪唔好囉！唔知周刊報道陳豪同湯盈盈嘅緋聞係唔係真嘅呢﹖」保怡認為演員一定要細心，粗心大意無法演好戲。雖然該劇收視不及首周，但他表示之後劇情會愈來愈好看，與蔡少芬亦有不少對手戲，稍後他又會往美加等地宣傳。

蔡少芬拔針出席

同場的Ada亦不輸蝕，玩遊戲時竟然在記者面前拉起自己的裙，露出打底褲，示意自己怎樣玩都不會走光！事後，Ada又透露原來是負傷上陣宣傳，她說：「我因為太攰，條頸入咗風，搞到抽筋去睇針灸，原本我要插住支針兩日唔可以拔出嚟，但要出嚟宣傳冇計，唯有拔咗佢等陣再去睇醫生。（有冇大礙?？）好彩我係條頸黐孖筋，唔係個人，哈哈！有啲人嚴重會影響半邊面郁動，要好小心醫。」稍後她將拍攝一美容廣告，與該機構合作已有八年，她表示每年都有酬量加薪，自己不會獅子開大口。

佘詩曼為大碟雀躍

阿佘主唱的《火》片尾曲有收錄在大碟《女兒紅》，該碟推出一日即售罄，反應理想，她為該碟大收旺場高興不已：「可能電視又日日播，fans聽得多會鍾意啦！我去咗兩次唱片舖都話冇，想買番隻留念都唔得，搞到我要去問樂易玲小姐，佢先俾一隻我咋！（隻碟好賣有冇增加唱歌信心？）都有！」不過當日阿佘未有機會大展歌喉，只有保怡演唱主題曲，阿佘謂：「呢啲係大會安排！」