林保怡、鍾嘉欣與足球員鄭兆聰及譚偉國昨日為Timberland春季帆船大賽2006擔任嘉賓。二人更聯同一些專業好手進行預賽，籌得的善款就撥捐匡智會，幫助有需要的智障兒童。保怡新劇《火舞黃沙》近日熱播中，是日他出席活動亦『閻老闆』上身，將外套披在身上，造型十足十劇中『閻萬曦』一般。其後他主持鳴炮揚帆儀式時，亦笑言自己是閻老闆，為新劇大賣廣告。

林保怡為環保潛水拾垃圾

林保怡本身熱愛水上活動，像駕駛快艇及花式滑水，雖然由水面玩到落水底，但帆船卻是首次接觸，他坦言若有時間，也想學駕駛帆船，他說：「無論喺水面抑或水底嘅活動我都咁鍾意，尤其係滑水。去銀川拍《火舞黃沙》時，我仲特別抽時間返嚟香港考潛水牌。間中我會同朋友出海，仲會執埋海底垃圾，都幾有意義。不過我喺潛水之後有個習慣，就係唔會喺海度沖涼。因為番梘係有化學物質，喺海度用番梘係唔環保，會影響生態。」

鍾嘉欣擇偶要懂駕駛遊艇

而鍾嘉欣就表示今日是首次出海，覺得好刺激，並不怕會暈船浪。雖然她於溫哥華長大，但因不懂遊水，故從未出過海，多數是玩陸上運動。她表示：「我唔熟水性，又唔識遊水，所以平日好少參加水上活動，但係如果有機會都想學嘎。其實我好想出海，如果將來有一間向海嘅房就好喇。」問她會否找個有遊艇的男友？她說：「多才多藝係好事，如果可以教埋我遊水就好喇，等我可以多個才能，而且識遊水嘅話，有時拍戲都可以自己做番。（覺得遊艇上行婚禮浪漫嗎？）都好呀，都幾特別。如果拍拖和度蜜月都在船上，應該會好浪漫！」