由一度掀起熱潮的《金枝慾孽》台前幕後班底拍攝的《火舞黃沙》，成為今年無線的重頭劇，將於下個月正式播出。4月11日晚無線特別安排《火舞黃沙》在尖沙嘴香格裏拉酒店通宵拍攝制作特輯。爲營造隆重效果，劇中各主角蔡少芬、黎姿、佘詩曼、邵美琪、林保怡、陳豪、黃德斌等人分別乘坐多部名貴房車到場，場面浩大且甚具氣派，還吸引了一些外籍遊客圍觀。而無線高層曾勵珍、樂易玲亦雙雙到場為眾人打氣。打頭陣的林保怡駕駛紅色法拉利載黎姿進場，接著佘詩曼及陳豪則分別駕駛私夥黑色開篷平治跑車及黃色Aston Martin跑車到場，至于黃德斌則以奔馳跑車接載蔡少芬，而邵美琪則駕着保時捷進場。

蔡少芬低胸裝搶風頭

當晚眾主角穿均悉心打扮，當中為一襲低胸裙的蔡少芬最搶鏡，連曾勵珍也忍不住大讚她非常漂亮，令Ada非常之開心，風頭可謂一時無兩。曾一度得寵的黎姿，則降至第二才被珍姐讚賞。對於記者表示搶鏡成功，蔡少芬則回應說：「OK啦！其實個個都好靚，無話邊個搶唔搶鏡嘅！」她強調是盛裝出席是為了配合隆重場合，同時，希望表現到劇中所飾演的大當家，高貴大方的外表。當晚大部分女主角自己駕車到場，唯獨Ada跟Gigi不是，Ada笑道：「咁梗係香車美人，加上黃德斌又借到車，梗係要個白馬王子揸車，我自己開車會好怪。」蔡少芬又表示本來會到歐洲及英國作福音宣導，但爲配合劇集宣傳，一定會趕回港出席活動。另對於無線不惜工本拍攝製作特輯，高層人員也摸黑探班，她坦言好興奮，希望收視比《金枝慾孽》好。

黎姿不介意『撞衫』

當晚相對比較低調的黎姿身穿價值萬多元的RolandMovret吊帶碎花裙，竟被發現靚裙與早前湯盈盈出席公開活動時身穿的屬同一款式，Gigi得悉後不介意說：「係咩？條裙係我自己買嘅，都好啊，咁咪證明兩個都識揀，兩個靚女都靚上加靚囉！我哋唔同品味同配搭，我唔介意撞衫。」

阿佘不認成爲第三者

由於最近有報道指馬德鐘婚變，傳是因為與他合作的佘詩曼介入，而另一報道則指是其好姊妹郭羨妮成爲第三者。當被問及介入馬德鐘婚變疑雲，向來應付傳媒自如的阿佘竟罕有地激動否認，成為場中焦點。阿佘最初談到被指介入馬德鐘婚變傳聞時，表現得十分輕鬆：「今日都係主力講《火舞黃沙》啦，呢哋報道唔使睇都知道唔使信啦，連郭羨妮嗰單都唔使信。（知唔知馬德鐘婚姻狀況？）好好！佢拍完劇就飛去法國探佢太太同囝囝啦。」問她可有因緋聞致電與好友郭羨妮傾談？阿佘承認與郭羨妮保持聯絡，但沒有提及傳言。之後阿佘主動談及對《火舞黃沙》的期望，她希望此劇成績能勝過《金枝慾孽》，問阿佘會不會怕又傳是非或緋聞，她表示：「任何時候都有，冇得避。冇所謂啦，咩都寫過曬，觀眾會自行判斷。」期間再有記者問及馬德鐘的婚姻狀況，阿佘顯得頗為不耐煩，終按捺不住，激動得提高幾度聲音說：「健康囉！去得探老婆同個仔都知係好事啦，唔通問人係咪離婚咩！（探老婆係唔係去箍煲？）我只會問劇本啲嘢，人哋嘅私生活我係唔會刻意問，我自己做過咩自己知！」

邵美琪隨遇而安

邵美琪是當晚唯一收起性感的女星，拍攝製作特輯時，力讚此劇拍得好有意思，而且每位演員都十分落力。她表示拍攝過程辛苦，最希望觀眾會喜歡和受落。問及在電影金像獎之最佳女配角中落敗，但得分排名第二，僅輸給毛舜筠而成為『梗頸二』，她認為不重要，因為能夠提名角逐經已是一件很開心的事，得分第二更是意外的驚喜：「係咩？有第二已經好開心囉！雖然係冇獎攞，不過唔緊要，有提名都已經好開心啦！雖然嗰日要開工去唔到，但都有打電話恭喜佢。」Maggie指現時不論電影或電視也會接拍，希望不停有工作，這樣豈不是代表不用拍拖？她即說：「依家拍緊兩個劇，連瞓覺都唔得閒。（咁有冇新歡舊愛追求？）唔知啊！（咁想唔想拍拖！）都係做嘢先，隨遇而安啦！」